Pavlodarda juqa muzda balyq aýlaǵan 42 adam aıyppul arqalady
PAVLODAR. KAZINFORM — Qys bastalǵanyna qaramastan óńirdegi ózen-kólderde muz tolyq qatyp úlgermegen. Tótenshe jaǵdaı qyzmetiniń mamandary men polıtseıler juqa muzda balyq aýlap júrgen azamattardy jaýapkershilikke shaqyryp, aıyppul salyp jatyr.
«Muz» aktsııasy aıasynda oblystyń TJD qyzmetkerleri sý aıdyndaryndaǵy azamattardyń qaýipsizdigin qamtamasyz etý jáne sý obektilerinde yqtımal oqıǵalardyń aldyn alý sharalaryn júrgizip jatyr. Reıdter barysynda azamattarǵa, onyń ishinde balyqshylarǵa, sondaı-aq ańshylyq-balyq aýlaý dúkenderine kelýshilerge nusqama júrgizildi. Birlesken reıdterge polıtseıler men eriktiler de qatysty.
— Oblys aýmaǵynda sý obektilerine pılotsyz ushý apparattaryn paıdalana otyryp monıtorıng júzege asyrylady. Muzdyń qalyńdyǵy únemi ólshenedi. Kezekti reıd Ýsolka ózeninde ótkizildi. Oǵan 24 adam qatysty. Atalǵan is-sharalar barysynda 46 adamǵa nusqaý berildi. QR Ákimshilik quqyq buzýshylyq týraly Kodekstiń 412-baby boıynsha jeke qutqarý quraldarynsyz muzda bolǵan 3 adam ákimshilik jaýapkershilikke tartyldy. Olarǵa 7 aılyq eseptik kórsetkish mólsherinde aıyppul salyndy. Jalpy 16 qarashadan beri ákimshilik jaýapkershilikke 42 adam tartyldy, — dep habarlady óńirlik tótenshe jaǵdaılar departamentinen.
Eske sala keteıik, balyq sharýashylyǵyn damytýǵa 120 mln teńge bólinbek.