Pavlodarda juqa muz ústinde júrgen úsh bala men er adam qutqaryldy
ASTANA. QazAqparat - Pavlodarda Ýsolka ózeninde juqa muzdyń ústinde esh alańsyz qydyryp júrgen tórt adam qutqaryldy, dep habarlaıdy pavlodarnews.kz .
Oblystyq TJD memlekettik til jáne aqparat tobynyń málimetinshe, qutqarýshylar saǵat keshki bestiń kezinde ózenniń ústinde júrgen eki oqýshyny kórip qalǵan. - Balalar dereý qutqarý stantsııasyna jetkizildi. Kámeletke tolmaǵandardyń isi jónindegi polıtsııa qyzmetkerleri men № 42 mekteptiń dırektory shaqyryldy. Sonymen qatar, saǵat keshki altyǵa qaraı Ýsolka ózeninde muzdyń ústimen balasyn ertip júrgen ar adam jaǵaǵa jetkizildi. Olarmen túsindirý jumystary júrgizildi, - dedi departamentte.
Qutqarýshylar turǵyndarǵa tolyq qatpaǵan muzdyń ústinde serýendeý adam ómiri úshin óte qaýipti ekenin eskertedi.
