Pavlodarda juqa muz ústinde qalǵan eki adam qutqaryldy
PAVLODAR. QazAqparat - Oblys ortalyǵynda qutqarýshylar Ertis ózenindegi juqa muzǵa serýendep shyqqan eki adamdy shyǵaryp aldy, dep habarlaıdy pavlodarnews.kz.
Óńirlik tótenshe jaǵdaılar departamentiniń málimetinshe, kezekti tekserý kezinde qutqarýshylar Ertis ózenindegi juqa muzǵa shyqqan er adam men balany kórip qalǵan.
«Osy jerge jedel túrde jetken qutqarýshylar muz ústinen 1986 jyly týǵan er azamat pen 6 jasar balany shyǵaryp aldy. Olar ornatylǵan tyıym salý belgilerine nazar aýdarmastan, óz ómirlerine qaýip tóndirgen»,- deıdi departamentte.
Osyǵan baılanysty jedel-qutqarý jasaǵynyń qutqarýshylary oblys turǵyndaryn qatty aǵyn men bulaqtar bar jerlerde muzdyń qys boıy qatpaıtynyn eskertip, saqtyq tanytýǵa keńes beredi.
