Pavlodarda JRVI jáne pnevmonııanyń kóbeıýine baılanysty jedel járdemniń qyzmeti kúsheıtildi

PAVLODAR. KAZINFORM — Óńirlik 103 stansasy qosymsha medıtsınalyq brıgadalardy jelige shyǵardy. Al emhanalar jumys ýaqytyn 20.00-ge deıin uzartty.

Павлодар
Фото: Павлодар облысы өңірлік жедел жәрдем стансасы

Jedel respıratorlyq vırýstyq ınfektsııalardyń kóbeıýine baılanysty aımaqtyq jedel járdem stansasy kúsheıtilgen jumys rejımine kóshti. Sońǵy eki táýlikte medıtsına qyzmetkerleri 2 myńnan astam shaqyrýǵa qyzmet kórsetip, 1 myńǵa jýyq keńes berdi. Bul rette 682 qońyraý JRVI nemese pnevmonııamen baılanysty bolǵan. 474 jaǵdaıda balalardyń aýrýǵa shaldyǵýy tirkelgen.

— 1, 2 jáne 3-sanattaǵy shuǵyl shaqyrýlar boıynsha jumystyń jedeldigin saqtaý úshin ár aýysymda jelige qosymsha medıtsınalyq brıgadalar shyǵarylady. Sonymen qatar, densaýlyq saqtaý basqarmasynda emhanalardyń jumys ýaqytyn saǵat 20.00-ge deıin uzartatyn tıisti buıryqqa qol qoıyldy. Árbir emhanada súzgi kabıneti jumys isteıdi, onda patsıentti qarap, em taǵaıyndaı alady, -deıdi óńirlik jedel járdem stansasy basshysynyń orynbasary Olga Verbovaıa.

Al óńirlik densaýlyq saqtaý basqarmasynyń dereginshe, epıdemıologııalyq maýsym bastalǵaly Pavlodar oblysynda 100 myńnan astam JRVI jáne 30-ǵa jýyq tumaý jaǵdaılary tirkelgen.

Eske sala keteıik, Pavlodar turǵyndarynyń 1,8%-y qaterli isik boıynsha esepte tur.


Foto: 

Сейчас читают