Pavlodarda joldar men aýlalardy jóndeý jumystary bastaldy
PAVLODAR. QazAqparat - Pavlodar qalasynyń joldary men jol boıyndaǵy tańbalardy qalpyna keltirý úshin qalalyq bıýdjetten 110 mln teńge bólindi, dep habarlaıdy «QazAqparat» HAA tilshisi.
«Qaladaǵy azamattardyń ótinishterin baqylaý jáne tirkeý nátıjesinde 19 myń sharshy metrge jýyq avtokólik joldaryn qalpyna keltirý qajettigi anyqtaldy. Qazirgi ýaqytta «Jolqurylys» JShS merdiger uıymy jumysyn bastap ketti», - dep habarlady búgin jýrnalsıterge Pavlodar qalasy Turǵyn úı-kommýnaldyq sharýashylyǵy bólimi basshysynyń orynbasary Oljas Baımaqov.
«TKSh bólimi «Jylý júıeleri» JShS men «Qalalyq sý arnasy» JShS-ǵa qazba jumystary aıaqtalǵannan keıin qaıta qalpyna keltirý boıynsha jumystar júrgizý týraly hat joldady», - dedi qala ákimdiginiń ókilderi.
Avtory Anton Gagarın
