Pavlodarda jolaýshynyń ámııanyn jymqyrǵan astanalyq jigit qolǵa tústi
ASTANA. QazAqparat - Pavlodarlyq turǵynnyń ámııanyn urlady degen kúdikpen Astana qalasynyń turǵyny ýaqytsha ustaý ızolıatoryna qamaýǵa alyndy, dep habarlaıdy pavlodarnews.kz oblystyq ІІD-niń baspasóz qyzmetine siltememen.
«Polıtsııa basqarmasyna ámııanynyń urlanǵany týraly ótinishpen 27 jastaǵy oblys ortalyǵynyń turǵyny júgindi. Tańerteń boıjetken marshrýtty avtobýsqa otyryp, birneshe aıaldama ótkennen keıin túsetin kezde sómkesindegi amııanynyń joǵalǵanyn bilgen. Dereý tártip saqshylary izdeý sharalaryn júrgizip, eki saǵat ishinde atalǵan qylmysqa qatysy bar 26 jastaǵy astanalyq jigit anyqtady. Ol buǵan deıin osyndaı áreketi úshin qylmystyq jaýapkershilikke tartylǵan», - dedi baspasóz qyzmetinen.
Kúdiktiden boıjetken qyzdan urlanǵan múlik tárkilendi. Atalmysh fakti boıynsha QR QK 188-babyna sáıkes sotqa deıingi tergep-tekserý amaldary júrgizilýde.
