Pavlodarda jolaýshylary bar tramvaı órtendi
PAVLODAR. QazAqparat - Pavlodar qalasynda Kýtýzov kóshesi boıynda jolaýshylary bar tramvaı órtenip ketti, dep pavlodarnews.kz.
«Tramvaı basqarmasy» AQ baspasóz hatshysy Tımfoeı Golevtiń aıtýynsha, oqys jaǵdaı tańerteń Kýtýzov - Tolstoı kósheleriniń qılysynda 8:12 shamasynda oryn alǵan.
«Búgin Depo baǵytyna qaraı júrgen №11 vagon isten shyǵyp otqa oranǵan. , - deıdi Tımofeı Golev.
«Tramvaıda tótenshe jaǵdaı kezinde jolaýshylar bolǵan. Sany belgisiz. Olar der kezinde vagondy bosatty. Zardap shekkender joq. Saǵat 9:20 kezinde qozǵalys qaıta qalpyna keltirildi. Al, qyzyl jalynnyń astynda qalǵan vagondy Tramvaı basqarmasyna tirkep alyp ketti. Ekspertıza taǵaıyndaldy, jýyq arada órttiń sebebi anyqtalatyn bolady. Aldyn ala boljam boıynsha, elektr symdarynyń tuıyqtalýy saldarynan órt shyqqan. Bul biraq, boljam ǵana. Pavlodar oblystyq TJD usynǵan aqparatqa súıensek, qyzyl jalyn aýmaǵy 30 sharshy metrdi qurady. Oqıǵa ornynda 16 órt sóndirýshi jumys istep, úsh tehnıka jumyldyryldy».
