Pavlodarda jolaýshylar avtobýsy órtendi
PAVLODAR. QazAqparat - Oqys jaǵdaı saǵat 17.31-de qaladaǵy Qamzın kóshesi, 165 mekenjaıy boıynsha Dıspetcherskaıa avtobýs aıaldamasynyń janynda bolǵan, dep habarlaıdy pavlodarnews.kz.
Bul týraly oblystyq TJD-niń baspasóz qyzmeti málim etti. - № 2 baǵyttaǵy qalalyq jolaýshylar kóliginiń motor bóliginde 0,5 qýma metr elektr symdary tutanǵan. Órt sóndirýshiler kelgenge deıin júrgizýshi jalyndy untaqty órt sóndirgishpen óshirip úlgergen. Іshinde bolǵan eresek 7 adam ózdiginen syrtqa shyqqan, - deıdi departamentte.
Avtobýstyń tutanýyna elektr symdarynyń qysqa tuıyqtalýy sebep bolǵan. Keltirilgen shyǵyn kólemi anyqtalýda. Oqıǵa ornynda № 3 órt sóndirý bóliminen 10 adam men eki avtotsısterna jumys istedi.
Sondaı-aq, «Melıorator» baǵbanshylyǵynda Tsvetochnaıa kóshesi, 28 mekenjaıy boıynsha ornalasqan kirpishten qalanǵan saıajaıdyń 30 sharshy metr aýmaǵynda aǵash qurylymdar tolyǵymen janyp ketken. Tilsiz jaý qasyndaǵy Tsvetochnaıa kóshesindegi 30-shy úıdiń 10 sharshy metrin sharpyǵan. Saıajaı ıeleri anyqtalýda.
Saǵat 00.25-te Ekibastuz qalasynda Qonaev kóshesinde jeke kásipkerlik bazasynda proflıstpen qaptalǵan 20 sharshy metr aýmaqta aǵash vagon janyp ketti. Órttiń shyǵýyna peshti qoldaný erejelerin saqtamaý sebep bolǵan. Órt saǵat 01.02-de № 2 órt sóndirý bóliminen bes adam jáne bir avtotsısternanyń kómegimen sóndirildi.
