Pavlodarda jol ústinde toqtap qalǵan avtobýstyń jolaýshylary evakýatsııalandy
PAVLODAR.KAZINFORM — Qaraǵandydan Óskemen qalasyna jolǵa shyqqan reıstik avtobýs «Omby – Maıqapshaǵaı» respýblıkalyq tas jolynda synyp, turyp qalǵan. Jergilikti atqarýshy organdar men tótenshe jaǵdaılar qyzmetkerleri jolaýshylar men júrgizýshini jylytý pýnktine ornalastyrdy.
Bul týraly Pavlodar oblystyq tótenshe jaǵdaılar departamentiniń baspasóz qyzmetinen habarlady.
— «Omby-Maıqapshaǵaı» respýblıkalyq mańyzy bar avtojolyndaǵy ıAmyshev aýylynyń mańynda otyn sorǵysynda aqaý shyqqanyna baılanysty jolaýshylar avtobýsynyń turyp qalǵany týraly habarlama tústi. Kólik Qaraǵandy qalasynan Óskemen qalasyna jolǵa shyqqan. Jergilikti atqarýshy organdar men tótenshe jaǵdaılar departamentiniń qyzmetkerleri jolaýshylar men júrgizýshini evakýatsııalady. Olar ıAmyshev aýylyndaǵy mektepte ornalasqan jylytý pýnktine jetkizildi. Jolaýshylarǵa ystyq tamaq uıymdastyryldy, - dep málimdedi baspasóz qyzmetinen.
Keıin olar Astana-Óskemen baǵyty boıynsha kele jatqan basqa avtobýspen saparlaryn jalǵastyrǵan.
Eske saala keteıik, aýa raıynyń buzylýyna baılanysty SQO-da jol jabyldy.
Kún raıyna baılanysty Aqmola oblysynda kólik qozǵalysyna shekteý qoıyldy.