Pavlodarda jol shetinde turǵan qyzdy avtokólik soǵyp, mert qyldy

PAVLODAR. KAZINFORM — Jazataıym oqıǵa Jetekshi aýylynan eki shaqyrym jerde, úlken joldyń boıynda bolǵan. Bul týraly óńirlik jedel járdem stansasynan habarlady.

«Jedel járdem qyzmetine Pavlodar qalasy Jetekshi aýylynan 2 shaqyrym jerde, Sharbaqty aýdanyna baratyn avtojolda qyzdy kólik soǵyp ketkeni týraly habarlama tústi. Medıtsınalyq top 9 mınýttan keıin oqıǵa ornynda boldy. Ókinishke qaraı, zardap shekken adamdy qutqarý múmkin bolmady. 27 jastaǵy qyz ómirine sáıkes kelmeıtin jaraqat alǵandyqtan sol jerde kóz jumǵan», - dep málimdedi Pavlodar oblystyq jedel járdem stansasynan.

Buǵan qosa Aqsýda kólik júrgizip kele jatqan 33 jastaǵy áıel apatqa ushyrady. Jedel járdem qyzmetkerleri onyń júktiliktiń 38-shi aptasynda ekenin anyqtaǵan. Zardap shegýshi qalalyq aýrýhanaǵa jetkizildi.

Eske sala keteıik, Qaraǵandy oblysynda avtobýs pen kólik soqtyǵysyp, 5 adam qaza tapty.