Pavlodarda jol kútimine nemquraıly qaraǵan sheneýnikter jaýapkershilikke tartyldy

PAVLODAR. KAZINFORM - Polıtseıler óńirdegi avtojoldardy tekserý barysynda 200-den astam aqaýdy anyqtaǵan. Qar jaýyp, boran soqqanda jáne kóktaıǵaq kezinde kemshilikter kóp kezdesedi.

Jol-tehnıkalyq ınspektsııa qyzmetkerleri avtokólik joldarynyń jaı-kúıine memlekettik baqylaý men qadaǵalaýdy turaqty negizde júzege asyryp keledi. 

– Tek qańtar aıynda jalpy uzyndyǵy shamamen 3045 shaqyrymdy quraıtyn avtokólik joldarynda 140 tekserý júrgizildi. Nátıjesinde 203 jol aqaýy anyqtaldy. Joldardy tıisti deńgeıde ustamaǵany úshin 24 laýazymdy jáne zańdy tulǵa ákimshilik jaýapkershilikke tartyldy.

Sondaı-aq tehnıkalyq aqaýy bar kólikti paıdalanýǵa shyǵarǵany jáne buryn júrgizýshi kýáliginen aıyrylǵan tulǵaǵa kólik basqarýǵa ruqsat bergeni úshin 8 adam jazalandy, – dep habarlady Pavlodar oblysy polıtsııa departamenti ákimshilik polıtsııa basqarmasynyń bastyǵy Bákibaı Ahmedıanov.

Tártip saqshylary aýa raıy qolaısyz kezeńderde – qar jaýyp, boran soqqanda, kóktaıǵaqta jol boıynsha kemshilikter jıi tirkeletinin aıtady.

Eske sala keteıik, 2030 jylǵa deıingi 1500 shaqyrym jol tórt jáne odan da kóp jolaqty bolady.