Pavlodarda jol-kólik apattarynyń sany 57 %-ǵa artqan

PAVLODAR. KAZINFORM - Tártip saqshylary jol-kólik apattarynyń týyndaýyna kóp jaǵdaıda júrgizýshilerdiń uzaq sapardan sharshaýy sebep bolatynyn aıtady.

Pavlodar oblysy polıtsııa departamentiniń deregine súıensek, oblystaǵy jol-kólik apattarynyń sany 57 %-ǵa ósken.

Al apat saldarynan qaza tapqandardyń sany eki esege jýyq artyp, zardap shekkender 62 %-ǵa kóbeıgen. Jol-kólik oqıǵalarynyń jıileýine kólik júrgizýshileri men jaıaý júrginshilerdiń joldaǵy jeke tártipsizdigi yqpal etken.

Sondaı-aq qarsy baǵytqa shyǵyp ketý, jyldamdyqty shekten tys asyrý, jaıaý júrginshilerge jol bermeý faktorlary kóp kezdesip otyr. 

- Taldaý kórsetkendeı, jol apattaryna sebep bolatyn jaıttyń biri – avtokólikti júrgizý kezinde júrgizýshilerdiń qalǵyp ketýi nemese uzaq sapardan sharshaýy. Jyl basynan beri oblys joldarynda 11 oqıǵa tirkeldi. Saldarynan 5 adam qaza taýyp, 19 adam jaraqat aldy. Patrýldik polıtsııa rotasy oblystyq jedel medıtsınalyq járdem ortalyǵynyń qyzmetkerlerimen birlesip birlesken is - sharalar ótkizedi. Onyń aıasynda biz kólikterdi, atap aıtqanda, kúndizgi jáne túngi ýaqytta trassalarǵa shyǵatyn tranzıttik aýyr júkterdi toqtatamyz. Mamandar júrgizýshilerdiń densaýlyq jaǵdaıyn, qan qysymyn, sharshaý deńgeıin, sondaı-aq alǵashqy medıtsınalyq kómek jınaǵynda medıtsınalyq preparattardyń bolýyn tekseredi. Qajet bolsa, olarǵa tynyǵatyn orynǵa jetip, demalýdy usynamyz, - dep habarlady óńirlik polıtsııa departamentiniń baspasóz qyzmetinen.

Eske sala keteıik, Pavlodarda jol qaýipsizdigin baqylaıtyn jańa mobıldi júıeler paıda boldy.