Pavlodarda jol-kólik apatynan eki bala zardap shekti

PAVLODAR. KAZINFORM - Omby-Maıqapshaǵaı avtojolynda Audi 80 jáne Toyota Highlander kólikteri soqtyǵysqan. Apattan zardap shekken bir júrgizýshi men eki bala aýrýhanaǵa jatqyzyldy. Pavlodar oblysynyń tas jolynda bolǵan jol-kólik apatynan kámelet jasyna tolmaǵan jolaýshy zardap shekti. 

«Omby-Maıqapshaǵaı avtojolynda Audi 80 jeńil kóligi negizgi jolda kele jatqan Toyota Highlander kóligine jol bermeı, soǵylǵan. Jol apaty saldarynan Audi kóliginiń júrgizýshisi men qos jasóspirimniń densaýlyǵyna zaqym kelip, aýrýhanaǵa jatqyzyldy», - dep habarlady Pavlodar oblysy polıtsııa departamentinen.

Audi júrgizýshisine qatysty is qozǵalyp, materıal sotqa baǵyttaldy. Avtokólikter aıyppul turaǵyna qoıyldy.