Pavlodarda jol-kólik apatynan eki adam qaza tapty
PAVLODAR. KAZINFORM - Pavlodar-Qyzylorda avtojolynda jeńil mashına men júk kóligi soǵyldy. Apat saldarynan jeńil kóliktiń júrgizýshisi men bir jolaýshy oqıǵa ornynda kóz jumǵan.
Bul týraly Pavlodar oblysy polıtsııa departamentiniń baspasóz qyzmetinen habarlady.
- 20 qańtar kúni «Pavlodar-Qyzylorda» avtojolynyń 1233 shaqyrymynda Hyundai Accent jáne Kamaz kólikteriniń qatysýymen jol-kólik oqıǵasy boldy. Apat saldarynan Hyundai Accent júrgizýshisi men jolaýshysy oqıǵa ornynda qaza tapty. Jaraqat alǵan taǵy bir jolaýshy aýrýhanaǵa jatqyzyldy. Jol-kólik oqıǵasyndaǵy adam ólimi deregi boıynsha qylmystyq is qozǵaldy,-dep málimdedi baspasóz qyzmetinen.
Polıtsııa departamenti mundaı qaıǵyly oqıǵalardyń aldyn alý úshin jol qozǵalysy qatysýshylaryna jyldamdyq rejımin saqtaý qajettigin eskertedi. Ásirese, kólik kóp júretin jerlerde kólik quralyn barynsha saqtyqpen basqarý, kólik quralynyń tehnıkalyq jaǵdaıyn baqylaý mańyzdy.
Eske sala keteıik, Almatyda jol apatynan 39 jastaǵy áıel mert boldy.
Tótenshe jaǵdaılar mınıstrligi eldegi jol apattarynyń basty sebepterin atady.