Pavlodarda jol kólik oqıǵasynan eki júkti áıel zardap shekti

PAVLODAR. QazAqparat – Pavlodarda eki júkti áıel jol apatyna ushyrady, dep habarlaıdy QazAqparat Pavlodarnews.kz-ke silteme jasap.

Oblystyq jedel járdem stantsııasynyń málimetinshe, oqıǵa ornyna shaqyrý 27 sáýir, saǵat 09:56-da túsken. Apattan bes adam zardap shekti. 36 jastaǵy er adam men 33 jáne 25 jastaǵy eki áıel birinshi aýrýhanaǵa jetkizildi. Taǵy eki adamdy – 36 jastaǵy áıel men 5 jasar balany aýrýhanaǵa jetkizýdiń qajeti bolmaǵan.
Oblystyq Densaýlyq saqtaý basqarmasynyń aqparatyna sáıkes, 33 jastaǵy áıel júktiliktiń 16-aptasynda, al 25 jastaǵy áıel 8-aptasynda ekeni anyqtalǵan. Birinshisine tómengi jaqtyń jumsaq tinderiniń jaraqaty, ekinshisine ústińgi erinniń jaraqaty dıagnozy qoıyldy. Ekeýi de ambýlatorlyq em alýǵa úılerine jiberildi.
Dárigerler er adamnyń basynyń jumsaq tinderiniń jaraqatyn anyqtady. Ol da úıden em qabyldaıdy.