Pavlodarda jol qaýipsizdigin baqylaıtyn jańa mobıldi júıeler paıda boldy

PAVLODAR. KAZINFORM - Jol-kólik oqıǵalarynyń sanyn azaıtý, sondaı-aq júrgizýshi tártibin arttyrý maqsatynda Ekin Patrol G2 mobıldi baǵdarlamalyq-apparattyq keshenderi úlken joldar men kóshelerdi torýyldaı bastady. 

Qazirgi ýaqytta zań buzýshylyqtardy tirkeýdiń 10 mobıldi júıesi Pavlodar qalasynda, Baıanaýyl aýdanynda jáne respýblıkalyq mańyzy bar jol boılarynda testilik rejımde jumys isteıdi.

— Ekin Patrol G2-niń kalıbrleýi tolyq kólemde jasalǵan. Jyldamdyq rejıminiń buzylǵany týraly aqparat avtomatty rejımde júredi. Kólik aǵynynda ereje buzǵan kólik quraldarynyń memlekettik nómirin birden tanyp, ortalyq júıege habarlaıdy, - dep málimdedi Pavlodar oblysy polıtsııa departamentiniń baspasóz qyzmetinen.

Mysaly Baıanaýyl aýylyndaǵy jyldamdyq rejımi saǵatyna 40 km bolsa, «Qalqaman-Kerneı» avtojolyndaǵy jyldamdyq shegi — saǵatyna 110 km. Al, Baıanaýyl aýylyna kire beristen eldi mekenniń shegine deıingi aralyq saǵatyna 60 km-den aspaýy tıis. 

Eske sala keteıik, Pavlodar joldarynda jyl basynan beri 8 adam kóz jumǵan.