Pavlodarda jol baqylaý kameralaryn qasaqana búldirgen er adam ustaldy
PAVLODAR. KAZINFORM - Pavlodar oblysynda jol qozǵalysy erejelerin buzýdy tirkeıtin alty kamerany zaqymdaǵan er adam ustaldy. 31 jastaǵy azamat keltirgen zalaldyń mólsheri anyqtalyp jatyr.
Oqıǵa Omby – Maıqapshaǵaı avtojolynda bolǵan. Mototsıklge mingen er adam jol boıyndaǵy arkaly qurylymǵa jaqyndap, quqyq buzýshylyqtardy tirkeýge arnalǵan alty kameranyń korpýsyn ádeıi búldirgen.
Onyń áreketi beınebaqylaý kameralaryna túsip qalǵan. Soǵan qaramastan, zaqymdanǵan jabdyq shtattyq rejımde jumysyn jalǵastyrǵan.
Polıtsııa qyzmetkerleri kúdiktiniń jeke basyn jedel anyqtady. Ol kórshiles eldi mekenniń 31 jastaǵy turǵyny bolyp shyqqan. Atalǵan derek boıynsha qylmystyq is qozǵalyp, kúdikti ustalyp, ýaqytsha ustaý ızolıatoryna qamaldy.
– Qazirgi ýaqytta tergeý amaldary júrgizilip, keltirilgen zalaldyń mólsheri anyqtalyp jatyr, – dep habarlady Pavlodar oblystyq polıtsııa departamentinen.
Polıtsııa bótenniń múlkin qasaqana búldirý zań boıynsha jaýapkershilikke ákep soǵatynyn eskertedi.
Eske sala keteıik, Óskemen kóshelerindegi 300 kamera izdeýde júrgen adamdardy anyqtaıdy.