Pavlodarda jol apatynan er adam qaza tapty

ASTANA. QazAqparat - Pavlodarda jol apatynan er adam kóz jumdy, dep habarlaıdy QazAqparat Polisia.kz saıtyna silteme jasap.

Ondaǵy málimeterge qaraǵanda, 21 qarasha kúni saǵat 04:25 shamasynda Sátbaev pen Esenálıev kósheleriniń qıylysynda Toyota Camry kóliginiń 29 jastaǵy júrgizýshi jol qorshaýyna soǵylǵan, soǵan qarmastan ol ári qaraı qozǵalysty jalǵastyra bergen. Sóıtip, jaryqtandyrý tiregine, aǵashqa jáne úıdiń qorshaýyna soqtyǵysty.

Júrgizýshi oqıǵa ornynda qaıtys boldy.

QR QK-niń 345-baby boıynsha sotqa deıingi tergeý júrgizilip jatyr.

Foto: t.me/POLICE_of_KZ