Pavlodarda jol apatyna túsken júrgizýshiler tóbelesip qaldy
PAVLODAR. QazAqparat – Pavlodarda jol-kólik apatymen qosa tóbeles oqıǵasy sotqa jiberildi, dep habarlaıdy QazAqparat tilshisi.
«QR ákimshilik quqyq buzý kodeksiniń 610-baby boıynsha 24 jastaǵy «VAZ» avtokólik júrgizýshisine qatysty ákimshilik hattama toltyryldy. VAZ markaly avtokólik ruqsatsyz turaqqa ótip ketken», - dep habarlady Pavlodar oblystyq polıtsııa departamentiniń baspasóz qyzmeti.
Syrtqy baqylaý kamerasyna VAZ kóliginiń ekinshi dárejeli joldan negizgi jolǵa shyǵyp ketip, saldarynan «Renault logan» markaly kólikke soǵysqany jazylǵan. Sońynda avtokólik jolaýshysy syrtqa shyǵyp, jol-kólik oqıǵasy úshin VAZ júrgizýshisin ura bastady. Oqıǵa qatysýshylarynyń barlyǵy saý bolǵan, eshqaısysy medıtsınalyq kómekke júginbedi, dedi polıtsııadaǵylar.
«23 jastaǵy «Renault logan» jolaýshysyna qatysty QR Ákimshilik quqyq buzý kodeksiniń 73-1 baby boıynsha ákimshilik hattama toltyryldy. Sheshim shyǵarý úshin materıaldar sotqa jiberildi», - dedi baspasóz qyzmeti.
Vıdeo Pavlodar oblystyq polıtsııa departamentine tıesili.
