Pavlodarda jol apatynan júrgizýshi qaza taýyp, tórt jolaýshy jaraqat aldy
PAVLODAR. KAZINFORM — Polıtsııa jol-kólik oqıǵasy boıynsha qylmystyq is qozǵady. Aldyn ala málimet boıynsha, jeńil kólik jol jıegine shyǵyp ketip, aýdarylǵan.
«Sharbaqty-Sosnovaıa» avtojolynda qaıǵyly jol apaty tirkeldi.
— 5 qazan kúni «Sharbaqty — Sosnovaıa» avtojolynyń boıynda, Orlovka aýylynan shamamen 3 shaqyrym qashyqtyqta Toyota Mark II markaly avtokóliktiń júrgizýshisi róldi basqara almaı, jol jıegine túsip ketken. Avtokólik aýdarylǵan. Oqıǵa saldarynan júrgizýshi qaza taýyp, tórt jolaýshy jaraqat aldy, — dep habarlady óńirlik polıtsııa departamentiniń baspasóz qyzmetinen.
Oqıǵanyń mán-jaıy men sebepteri tergeý barysynda anyqtalatyn bolady.
Polıtsııa departamenti jol-kólik oqıǵalarynyń aldyn alý úshin jol qozǵalysyna qatysýshylarǵa jyldamdyq rejımin qatań saqtaýdy, kólik quraldarynyń tehnıkalyq jaı-kúıin baqylaýdy eske salady.
Eske sala keteıik, Pavlodarda Kamaz aýdarylyp, júrgizýshi qaza tapty.
Al onyń aldynda Pavlodar — Qyzylorda tas jolynda júk kóligi men jeńil kólik soqtyǵysyp, apat saldarynan oqıǵa ornynda 4 jolaýshy men júrgizýshiniń mert bolǵanyn jazǵanbyz.