Pavlodarda jol apatynan jańa týǵan sábı kóz jumdy
PAVLODAR. KAZINFORM - Pavlodarda «Atameken – Rýsskaıa Polıana» avtojolynda Lada Granta jáne BMV markaly jeńil kólikteri soqtyǵysty. Oqıǵa saldarynan jańa týǵan náreste kóz jumdy. Bul týraly Pavlodar oblystyq polıtsııa departamentiniń baspasóz qyzmetinen habarlady.
«Aqsý óńiriniń Rebrov aýylynyń mańyndaǵy «Atameken – Rýsskaıa Polıana» avtojolynda Lada Granta jáne BMV markaly avtokólikteri soqtyǵysqan. Jol-kólik oqıǵasy saldarynan Lada avtokóliginde bolǵan sábı kóz jumdy. Bala jaqynda ǵana dúnıege kelgen, qyrqynan da shyǵyp úlgermegen. Eki kóliktiń de júrgizýshileri zardap shekken, olar aýrýhanaǵa jetkizildi. Oqıǵa ornynda polıtsııa qyzmetkerleri jumys istep jatyr. Oqıǵanyń mán-jaıy men sebepteri anyqtalýda»,-dep málimdedi baspasóz qyzmetinen.
Eske sala keteıik, prokýratýra Pavlodar oblysynda múgedektigi bar balalardy uryp-soǵý derekterin anyqtady «Arnaýly áleýmettik qyzmetter kórsetýdiń oblystyq psıhonevrologııalyq balalar ortalyǵy» KMM-de balalarǵa qatigezdikpen qaraý oqıǵalary júıeli túrde jalǵasyp kelgen. Máselen 2020 mekemeden mundaı 17 fakti anyqtalǵan.
