Pavlodarda jol apatynan eki adam kóz jumdy
PAVLODAR. KAZINFORM - Qaıǵyly oqıǵa 19 maýsym kúni «Omby – Maıqapshaǵaı» avtojolynda bolǵan. Skoda Rapid markaly kóliktiń júrgizýshisi men jolaýshysy oqıǵa ornynda kóz jumǵan.
«Omby — Maıqapshaǵaı» avtojolynyń Aqqýly aýdany aýmaǵyndaǵy bóliginde Changan CS75 jáne Skoda Rapid avtokólikteriniń qatysýymen jol-kólik oqıǵasy boldy.
— Aldyn ala málimetter boıynsha, kólik quraldary soqtyǵysqan. Oqıǵa saldarynan Skoda avtokóliginiń júrgizýshisi men jolaýshysy oqıǵa ornynda kóz jumdy. Ekinshi avtokóliktiń júrgizýshisi men eki jolaýshysy aýrýhanaǵa jetkizildi, — dep habarlady óńirlik polıtsııa departamentinen.
Polıtsııa jol-kólik oqıǵasy deregi boıynsha qylmystyq is qozǵalǵanyn málim etti.
Avtokólikter mamandandyrylǵan aıyp turaǵyna qoıylǵan. Oqıǵanyń mán-jaıy men sebepteri tergeý barysynda anyqtalatyn bolady.
Tártip saqshylary qaıǵyly jaǵdaılardyń aldyn alý úshin jol qozǵalysyna qatysýshylarǵa jol qozǵalysy erejelerin qatań saqtaýdy, jyldamdyq rejımin buzbaýdy, kólik qozǵalysy qarqyndy ýchaskelerde saq bolýdy jáne kólik quraldarynyń tehnıkalyq jaǵdaıyn turaqty baqylaýda ustaýdy eskertedi.
Eske sala keteıik, Qostanaıda aıtysker aqyn Saltanat Ótelbaeva men joldasy jol apatynan kóz jumdy.
