Pavlodarda jol apatynan eki adam kóz jumdy
PAVLODAR. KAZINFORM — Polıtsııa qaıǵyly jaǵdaı boıynsha qylmystyq is qozǵady. Oqıǵanyń mán-jaıy men sebepteri tergeý barysynda anyqtalady.
Aqqýly aýdany Sharbaqty aýyly mańyndaǵy avtojolda Lada Granta jáne Gaz-33023 jeńil kólikteri soqtyǵysyp, apat saldarynan eki adam kóz jumǵan.
— Aldyn ala málimetter boıynsha, eki avtokólik avtojolda soqtyǵysqan. Apat saldarynan jeńil avtokóliktiń júrgizýshisi men jolaýshysy aýrýhanada kóz jumdy, taǵy bir jolaýshy aýrýhanaǵa jatqyzyldy. Atalǵan jol-kólik oqıǵasy boıynsha qylmystyq is qozǵaldy, — dep habarlady óńirlik polıtsııa departamentinen.
Qazirgi ýaqytta kólikter mamandandyrylǵan aıyp turaǵyna qoıylǵan. Oqıǵanyń mán-jaıy men sebepteri tergeý barysynda anyqtalady.
Tártip saqshylary mundaı qaıǵyly oqıǵalardyń aldyn alý úshin jol qozǵalysyna qatysýshylarǵa jol qozǵalysy erejeleri men jyldamdyq rejımin qatań saqtaýdy, qozǵalys qarqyndy ýchaskelerde abaı bolýdy jáne kólik quralynyń tehnıkalyq jaǵdaıyn baqylaýda ustaýdy eskertedi.
Eske sala keteıik, Kókshetaýda adam ólimine ákelgen jol apaty boıynsha sheshim shyqty.
