Pavlodarda jol apatynan 5 bala zardap shekti

PAVLODAR. KAZINFORM — Balalardyń jas shamasy — 3-8 jas aralyǵynda. Olardyń barlyǵy túrli jaraqatpen oblystyq balalar aýrýhanasyna jatqyzylǵan. 

— Pavlodar-Semeı tas jolynda, Baıdala aýylynyń mańynda eki kólik soqtyǵysqan. Oqıǵa ornyna jedel túrde eki 103 brıgadasy jáne Apattar medıtsınasy ortalyǵynyń bir brıgadasy jiberildi. Jol apatynan zardap shekkender — 2014 jáne 2017 jyly týǵan er balalar, 2021, 2022 jáne 2024 jyly týǵan qyzdar. Olardyń barlyǵy 31 jastaǵy anasymen birge oblystyq balalar aýrýhanasyna jetkizildi. Taǵy eki eresek – 1989 jáne 1993 jyly týǵan er azamattar Pavlodar qalalyq aýrýhanasyna jatqyzyldy, — dep habarlady óńirlik jedel járdem stansasynyń baspasóz qyzmetinen.

Balalardy kezekshi dáriger qarap, tıisti em qabyldaýǵa jibergen. Kóbiniń denesi alǵan soqqydan kógergen. Al bir qyz bala bas mı jaraqatyn alyp, mıy shaıqalǵan.

Eske sala keteıik, Pavlodar oblysynda jol apatynan 4 adam qaza tapty.