Pavlodarda joǵalyp ketken 8 jasar bala tabyldy
PAVLODAR. QazAqparat – Anasy dosyna ilesip aýladan ketip qalǵan ulyn taba almaı, polıtsııaǵa habarlasqan, dep habarlaıdy QazAqparat tilshisi.
«7 maýsym saǵat 20:51-de polıtsııanyń soltústik bólim kezekshisine 1988 jylǵy kelinshekten 2012 jyly týǵan uly 18.30-da kórshiles aýladaǵy oıyn alańyna oınaýǵa ketkeni týraly habar kelip túsken. Birshama ýaqyt ótkennen keıin anasy ulynyń artynan izdep barsa, balasy oıyn alańynda bolmaı shyqqan» dep habarlady Pavlodar oblysynyń polıtsııa departamenti.
Anasy ulyn kórshi aýladan tappaǵannan keıin ózi izdeı bastaǵan. Keıin polıtsııaǵa habarlasqan. Balaqaıdy polıtsııa basqarmasynyń barlyq qyzmetkeri izdedi.
«Patrýl polıtsııa batalony qyzmetiniń ınspektorlary, polıtsııa leıtenanttary Omarov pen Bolatov balany tapty. Jetkinshek zańdy ókiline tapsyryldy» dep atap ótti polıtsııa.
Tártip saqshylarynyń aıtýynsha, bala dosymen birge aýlasynan basqa jerge qalaı ketip qalǵanyn baıqamaǵan.
