Pavlodarda joǵalyp ketken 18 jastaǵy Olga Berestova tabyldy
ASTANA. QazAqparat - Pavlodarda Jańa jyl meıramynyń qarsańynda joǵalyp ketken Olga Berestova aman-esen tabyldy. Bul týraly Olganyń anasy Nadejda Berestova aıtty, dep habarlaıdy pavlodarnews.kz.
«13 qańtar kúni qyzymdy izdep taptym, ol aman-esen, jaǵdaıy qalypty. Osy kúnge deıin ne sebepti úıge kelmegenin aıta almaımyn, otbasy ishindegi jaǵdaılarǵa baılanysty. Biraq, qyzym áli úıimizdiń tabaldyryǵyn attamady, endi ol biz satyp alǵan úıde jalǵyz ózi turatyn boldy. Qazir otbasylyq jaǵdaılarǵa baılanysty men Astana qalasyndamyn, óıtkeni jubaıym ınsýlt alyp edi, ota jasaýǵa keldik», - deıdi qapalanǵan ana.
Esterińizge sala ketsek, mýzykalyq kolledjde oqyp júrgen 18 jastaǵy Olga Berestova 30 jeltoqsan kúni úıinen shyǵyp, qaıtyp kelmegen.
