Pavlodarda joǵalǵan oqýshylar tabyldy
ASTANA. QazAqparat - «VKontakte» áleýmettik jelisindegi «Tıpıchnyı Pavlodar» tobynda habarlanǵandaı, 13 jastaǵy Áıgerim Rahman din-aman tabyldy.
«Ol Ekibastuz qalasynda boldy. Týǵandary oqıǵanyń mán-jaıyn jarııalaǵysy kelmeıdi. Aqparat qyzdyń joǵalǵandyǵy týraly habarlamany jelige birinshi bolyp ornalastyrǵan K.Kýdrıavtsevadan alyndy», - delingen postta.
Eske salsaq, Pavlodarda turatyn mektep oqýshysy Áıgerim Rahman 26 qyrkúıek kúni sabaqtan keıin joǵalyp ketken. Tolyq otbasynda turady. Mektepte ony úlgerimi jaqsy, minezi sabyrly qyz retinde sıpattaıdy. Á.Rahmandy polıtseılermen birge eriktiler de izdestirdi.
Sondaı-aq «VKontakte» jelisine ornalastyrylǵan atalmysh habarlamanyń astyna Anastasııa Tıtkova esimdi paıdalanýshy, búgin Áıgerim Rahmanmen birge 11 jastaǵy ul da tabylǵanyn jazdy.
«Búgin quqyq qorǵaý organdarynyń qyzmetkerleri jarady! Qyz balany da, uldy da tapty. Jaraısyzdar, rahmet sizderge! Mundaı sýyq kúni kelip, bizben birge úılerdi aralap, ár butany tintýge kómektesken barshalaryńyzǵa da úlken rahmet aıtamyn. Bastysy ekeýi de aman-esen tabyldy. Estimegenderińiz bolsa, búgin 11 jastaǵy ul bala joǵalyp ketken bolatyn», - dep jazdy ol.
