Pavlodarda joǵalǵan eki bala bir kúnnen keıin tabyldy
PAVLODAR OBLYSY. QazAqparat – Pavlodar oblysynda ormanda joǵalyp ketken balalar tabyldy, dep habarlaıdy QazAqparat óńirdiń Polıtsııa departamentine silteme jasap.
30 tamyz kúni saǵat 21:07-de Pavlodar oblysy Sharbaqty aýdanynyń kezekshi bólimine sol kúni Shaldaı aýylynda 3-synypta oqıtyn 2011 jyly týǵan qyz bala men, 4-synypta bilim alatyn 2010 jylǵy er bala joǵalǵany týraly habar túsken.
Týǵandarynyń aıtýynsha, balalar qydyrýǵa shyǵyp ketip, qaıta oralmaǵan. Uıaly telefondary bolmaǵan.
Balalardy izdestirýge Sharbaqty aýdandyq polıtsııa bóliminiń jeke quramy, departamenttiń krımınaldyq polıtsııasynyń qyzmetkerleri, qyzmettik-idestirý ıtteri, sondaı-aq «Ertis ormany» qyzmetkerleri jumyldyryldy. Kámelet jasqa tolmaǵandardy izdestirýge 500 adam, 60 avtokólik qatysty.
Іzdestirý sharalarynyń nátıjesinde balalar 31 tamyz kúni tańerteń tabyldy. Dárigerler teksergennen keıin olar ata-analaryna tapsyryldy.
