Pavlodarda jyrtqysh janýardyń shabýylyna ushyraǵan jaraly aqqý qutqaryldy
PAVLODAR. KAZINFORM - Ertis aýdany Aǵashoryn aýyldyq okrýginiń aýmaǵynda jergilikti turǵyn álsiregen aqqýdy taýyp alǵan. Qus ózdiginen qozǵalǵanymen, qıyndyqpen júretini jáne usha almaıtyny anyqtalǵan.
Jaraly aqqýdy Aǵashoryn aýyldyq okrýginiń ákimi «Úrlitúp orman jáne janýarlar dúnıesin qorǵaý jónindegi mekemesine» tapsyrǵan. Mamandar anyqtaǵandaı, aqqý bıyl týǵan jas qus.
- Aldyn ala boljam boıynsha, ol jyrtqysh janýardyń shabýylyna ushyraǵan. Sonyń saldarynan álsirep, kómekke muqtaj kúıge túsken, - dep habarlady Úrlitúp mekemesinen.
Qustyń jaǵdaıy mamandardyń qatysýymen tekserilip, tıisti baǵalaý júrgizilgen.
Nátıjesinde aqqýdy jabaıy janýarlarǵa arnalǵan arnaıy mekemege jiberý týraly sheshim qabyldanǵan. Aqqý onda ońaltýdan ótip, densaýlyǵyn qalpyna keltiredi. Mamandardyń negizgi maqsaty – aqqýdyń tolyq saýyǵyp, keıin tabıǵı mekendeý ortasyna qaıta jiberilýin qamtamasyz etý.
Eske sala keteıik byltyr jeltoqsan aıynda Pavlodarda aýyl turǵyny aıazda qalyp qoıǵan qos aqqýdy qutqaryp qaldy.
Al bıylǵy kóktemde muz qursaýynan qutqarylǵan aqqýlar aıdynyna oralǵan edi.
