Pavlodarda jylýdy óshirý merzimi bir aptaǵa shegerildi

PAVLODAR. KAZINFORM - Jylýdy toqtatý 22 sáýirge aýystyryldy. Qala ákimdigi turǵyndardyń ótinish-tilekterin eskere otyryp, osyndaı sheshim qabyldady.

Pavlodarda kelesi aptadan bastap jylýdyń óshiriletindigi habarlanǵan edi. Deıturǵanmen, qala jurtshylyǵy sáýir aıynyń aýa raıy salqyn bolyp turǵanyn aıtyp, jylý toqtasa páterlerindegi shıetteı bala-shaǵalary jaýrap qalatynyna alańdaýshylyq tanytty.

Pavlodar qalasynyń ákimdigi kópshiliktiń ótinishin eskerip, jylý berý merzimi taǵy bir aptaǵa uzartylatynyn qosymsha habarlady. ıAǵnı jylý shahar boıynsha jappaı 22 sáýirde óshiriledi.

«Qurmetti pavlodarlyqtar! Qala turǵyndarynyń ótinishterine baılanysty Pavlodar qalasynyń ákimdigi jylytý maýsymynyń aıaqtalý kúnin 22 sáýirge aýystyrý sheshimin qabyldaǵany týraly habarlaımyz. Qalanyń ońtústik bóliginde gıdravlıkalyq synaqtar 22 sáýir kúni bastalady, budan soń gıdravlıkalyq synaqtar qalanyń soltústik bóliginde ótedi» dep málimdedi ákimdikten.