Pavlodarda jylý júıesindegi apattardy anyqtaıtyn tsıfrlyq júıe engizilip jatyr
PAVLODAR. KAZINFORM — Oblys ortalyǵyndaǵy jylý jelileriniń jalpy uzyndyǵy 800 shaqyrymnan asady. Al ınfraqurylymnyń tozý deńgeıi 87 paıyz shamasynda.
Mamandardyń aıtýynsha, jylý júıelerin jóndeýmen qatar zamanaýı IT-tehnologııalar engizilip jatyr. Pavlodar jylý jelileri mekemesi ınjenerlik ınfraqurylymnyń «tsıfrlyq egizin» ázirleýge kiristi. Jańa júıe jylýmen qamtýǵa qatysty barlyq negizgi kórsetkishti naqty ýaqyt rejıminde baqylaýǵa múmkindik beredi. Aldaǵy ýaqytta bul joba tolyqqandy tsıfrlyq platformaǵa aınalady dep josparlanǵan.
— Eger qysym nemese temperatýra tómendep, magıstraldyq jelide aqaý paıda bolsa, dıspetcherlik qyzmetke birden habarlama keledi. Ekranda tıisti belgi kórsetiledi. Osylaısha biz brıgadany naqty qaı jerge jiberý kerektigin bilip otyramyz. Bul tıisinshe jyldam áreket etý ýaqytyn únemdeıdi, — deıdi jylýmen qamtý mekemesiniń bas ınjeneri Janat Semenov.
Eske sala keteıik, Pavlodar qalasynyń áleýmettik nysandaryna jylý berildi. Al 28 qyrkúıekten turǵyn úıler jylýǵa qosyla bastaıdy.
