Pavlodarda jylý-elektr ortalyǵynda jumysshy qaza tapty

PAVLODAR. KAZINFORM — Memlekettik eńbek ınspektsııasy komıtetiniń Pavlodar oblysy boıynsha departamenti jazataıym oqıǵa boıynsha tekserý júrgizip jatyr. 

Óńirlik jedel járdem stansasy 23 qyrkúıek kúni kúndizgi saǵat úshterde Pavlodar qalasyndaǵy № 2 JEO-dan shaqyrtý túskenin habarlady. Medıtsınalyq brıgada oqıǵa ornyna 9 mınýtta jetken. Ókinishke qaraı, zardap shekken azamat dárigerler kelgenge deıin kóz jumǵan.

Jumysshynyń kóz jumǵanyn eńbek ınspektorlary da rastady.

— «Pavlodarenergo» AQ-nyń 2-JEO aýmaǵynda «Ekibastuz» JK qosalqy merdigerlik uıymy qyzmetkeri kóz jumdy. Oqıǵa saldarynan 1992 jyly týǵan 4-sanattaǵy dánekerleýshi aýyr jaraqat alǵan. Qazirgi ýaqytta jazataıym oqıǵanyń mán-jaıy men sebepterin, sondaı-aq eńbek qatynastaryn anyqtap jatyrmyz, — dep habarlady eńbek ınspektsııasy komıtetiniń Pavlodar oblysy boıynsha departamentinen.

Mamandar qaza bolǵan jumysshynyń bıiktikten qulaý deregi anyqtalmaǵanyn, oqıǵanyń mán-jaılary tergep-tekserý barysynda naqtylanatynyn jetkizdi.

Eske sala keteıik, Ekibastuzda jumysshy tok soǵyp, mert boldy.