Pavlodarda jylý berýdi qadaǵalaıtyn 10 mobıldi top quryldy

PAVLODAR. KAZINFORM — Jylý berý maýsymy bastalǵaly 30-dan astam shaǵym túsken. Qalada qazirgi kúni mobıldi top qurylyp, jylý berý máselelerin jedel sheshýmen aınalysyp jatyr.

Mamandar 109 biryńǵaı baılanys ortalyǵy arqyly habarlamalardy qabyldap, áleýmettik jelilerdegi shaǵymdardy qadaǵalap otyrady.

Arqada qys kúsheıe túsip, aıazdy kúnder jaqyndap kele jatyr. Jylý maýsymy bastalǵaly oblys ortalyǵynda 30-dan astam shaǵym túsken. Máseleniń kóbi páter ishindegi jylýǵa qatysty bolyp otyr.

— Búginde barlyq áleýmettik nysandar, kópqabatty turǵyn úıler men jeke t úıler jylýmen qamtamasyz etilgen. Bıyl 30 shaqyrymǵa jýyq jylý jelileri jóndelip, uzyndyǵy 2,6 shaqyrym bolatyn № 13 jańa jylý magıstrali salyndy, bul 250 turǵyn úı men áleýmettik nysandardy jylýmen qamtýdy jaqsartady, — deıdi Pavlodar qalalyq turǵyn úı ınspektsııasy jáne kommýnaldyq sharýashylyq bólimi basshysynyń orynbasary Temir Qasqabaev.

Shaharda qazir jylý boıynsha 10 mobıldi top qurylǵan. Onyń quramyna jergilikti atqarýshy organdardyń, «Pavlodar jylý jelileri» JShS, jylý ınspektsııasy men qyzmet kórsetý uıymdarynyń ókilderi endi. Jylýǵa qatysty jeke turǵyndardan shaǵym tússe, top birden sol jerge baryp, máseleni zerdeleıdi. Eger derek rastalsa, jylý ınjenerleri nemese qyzmet kórsetetin uıym túzetýler engizedi.

Eske sala keteıik, 2022 jyldyń 27 qarashasynda Ekibastuz JEO-synda apat bolyp, qala turǵyndary qatty aıazda jylýsyz qalǵan edi.