Pavlodarda jylyna 300 myń tonna altyn kontsentratyn óndiretin zaýyt paıda bolady
PAVLODAR. KAZINFORM — Pavlodardaǵy arnaıy ekonomıkalyq aımaqta «Quramynda joǵary kómirtekti sýlfıdti altyn bar kontsentrattardy qaıta óńdeýdiń gıdrometallýrgııalyq tsehy» ınvestıtsııalyq jobasy júzege asyrylyp jatyr. Jobaǵa ınvestorlar 930 mln dollar quıyp otyr.
Jobany iske asyrý merzimi — 2023-2028 jyldar. Óndiris iske qosylsa, jańadan 500 adamǵa arnalǵan jumys oryndary qurylady.
Óńir basshysy Asaıyn Baıhanov «Ertis gıdrometallýrgııalyq kombınaty» JShS ókilderimen kezdesip, «Quramynda joǵary kómirtekti sýlfıdti altyn bar kontsentrattardy qaıta óńdeýdiń gıdrometallýrgııalyq tsehy» ınvestıtsııalyq jobasyn iske asyrý josparlaryn talqylady.
Asaıyn Baıhanov áleýetti ınvestorlardy oblysta bıznes júrgizýdiń artyqshylyqtarymen, sondaı-aq, óńirdiń ınvestıtsııalyq saıasatymen tanystyrdy.
Atqarýshy dırektor Vıtalıı Nesıs atalmysh ınvestıtsııalyq joba shıkizatty óńdeýdiń eń ekologııalyq qaýipsiz tehnologııasyn qoldanatyn Ortalyq Azııadaǵy jalǵyz kásiporyn ekenin aıtty.
Quramynda altyn, kúmis, mys bar kontsentrattardy qaıta óńdeý boıynsha eki kásiporyn salý kózdelip otyr, onda ozyq tehnologııa — avtoklavty shaımalaý paıdalanylatyn bolady.
Negizgi ónimi altyn-kúmis qorytpasy bolyp tabylatyn óndiris óńirde ornalasatyn bolady, odan keıin tazartý jáne «Baǵaly metaldar týraly» Zańǵa sáıkes QR Ulttyq bankine ótkizý úshin affınaj zaýyttaryna jiberiledi.
Investıtsııalyq joba «Pavlodar» AEA aýmaǵynda 227,9 gektarda iske asyrylyp jatyr. Barlyq qajetti ınfraqurylymmen qamtamasyz etilgen. Investıtsııa kólemi — 930 mln dollar (465 mlrd teńge). Óndiris kólemi — jylyna 300 myń tonna kontsentrat, onyń ishinde jylyna 15 tonna altyn.
Eske sala keteıik, Abaı oblysynda quny 1 mlrd teńgeni quraıtyn altyn óndirý zaýyty jumysyn bastady.