Pavlodarda jyl basynan beri jolda qaraýsyz júrgen 90 mal ıesi jaýapqa tartyldy
PAVLODAR. KAZINFORM - Tártip saqshylary sońǵy eki aıda qaraýsyz júrgen 2,3 myń túlikti aıyppul turaqtaryna qamaǵan. Baǵýsyz mal jol-kólik apattaryna jıi sebep bolady.
Sharbaqty, Ýspen, Baıanaýyl, Ertis aýdany baǵyttaryndaǵy avtojoldarda jylqynyń qaraýsyz júrgen faktileri jıi kezdesedi.
Pavlodar oblysy polıtsııa departamentinen habarlaǵandaı, jol patrýlderi men ýchaskelik polıtseılerdiń basty mindeti - joldardaǵy qaýipsizdikti turaqty baqylaýda ustaý. Deı turǵanmen turǵyndardyń selqostyǵynan jyl basynan jalpy sany 2,3 myń bas mal baǵýsyz kúıde joldarǵa shyǵyp ketkeni anyqtaldy. Olardyń barlyǵy arnaıy turaqtarǵa qamalyp, ıelerine aıyppul salyndy.
- Jyl basynan mundaı 90 mal ıesi jaýapqa tartyldy. Keıbir kólik apattaryna úı janýarlary sebep bolyp, saldarynan adamdar kóz jumǵan oqıǵalar da tirkeledi, - dep málimdedi departamentten.
Polıtseıler mal ustaıtyn turǵyndarmen áńgimelesýlerdi turaqty júrgizip keledi. Alaıda onyń nátıje berip turǵany shamaly.
