Pavlodarda jyl basynan beri 37 keliden astam esirtki tárkilendi

PAVLODAR. KAZINFORM – Polıtseıler esirtki qylmysyna qatysty 50 faktiniń jolyn kesken. Zańsyz saýdany nasıhattaǵan 47 saıtty buǵattaǵan.

Tártip saqshylary esirtkiniń zańsyz aınalymyna qatysty 50 quqyq buzýshylyqtyń jolyn kesti, onyń 21-i tyıym salynǵan zattardy ótkizýmen baılanysty ekenin aıta ketken jón.

Esirtki jetkizý arnalary men mamandandyrylǵan ınternet – dúkenderdi jabý jónindegi josparly jumystyń nátıjesinde zańsyz aınalymnan 37 kılogramnan astam esirtki tárkilengen.

«Esirtki bıznesindegiler kóbine kámeletke tolmaǵandardy tartyp, mol aqshany jyldam ári ońaı tabýǵa ýáde beredi. Tyıym salynǵan zatty jasyrýmen aınalysatyn jastar arasynda qyzdar da kezdesip jatady. Ótken jyly sıntetıkalyq esirtki satqany úshin 16 jastaǵy pavlodarlyq ustaldy. Ol 7 jyl 6 aıǵa bas bostandyǵynan aıyryldy, - deıdi Pavlodar oblysy polıtsııa departamenti esirtki qylmysyna qarsy is-qımyl basqarmasynyń bastyǵy Tımýr Qarjaýbaev. 

Nátıjeli jumystyń bir mysaly – zańsyz taýarlar men qyzmetterge qol jetkizýdi qamtamasyz etetin ınternet-platformanyń boljamdy uıymdastyrýshysy ustaldy. Er adam qylmystyq top qurdy degen kúdikke ilingen. Onyń músheleri zańsyz marketpleıs qurǵan.

Qazir sotqa deıingi tergeý júrgizilip jatyr.