Pavlodarda jetim qyzdy zorlaǵan er adam polıtsııa qolyna túspeý úshin ózin atyp óltirdi

PAVLODAR. KAZINFORM — Pavlodardaǵy Jelezın aýdanynda er adamnyń jetim qyzdy zorlaǵany anyqtaldy. Ol buǵan deıin qyz balanyń qamqorshysy bolǵan.

Jelezın aýdanyndaǵy balalar úıiniń 16 jasar tárbıelenýshisin gınekologııalyq tekserý barysynda buryn onyń er adammen jynystyq qatynasta bolǵany anyqtalǵan. Pedofıldik áreket biraz jyl buryn, ony qamqorshylyqqa alǵan er adammen jasalǵan.

— Kámeletke tolmaǵandy zorlaý faktisi boıynsha qylmystyq is qozǵaldy. Kúdikti anyqtaldy. Alaıda kúdikti jábirlenýshiniń atalǵan derek boıynsha polıtsııaǵa júgingenin bilip, óz-ózine qol jumsady. Oqıǵanyń mán-jaıy men sebepteri anyqtalyp jatyr. Tergeý Pavlodar oblysy polıtsııa departamenti basshylyǵynyń erekshe baqylaýynda, — dep habarlady Pavlodar oblysy polıtsııa departamentiniń baspasóz qyzmetinen.

Eske sala keteıik, Baıanaýylda inisi men ápkesi jynystyq zorlyqqa ushyraǵan.