Pavlodarda jeti mekteptiń oqýshylary shuǵyl evakýatsııalandy
PAVLODAR. KAZINFORM – 13 aqpanda Pavlodarda mektepterge jarylǵysh zat qoıylǵany týraly habarlamalarǵa baılanysty jeti mekteptiń oqýshylary shuǵyl evakýatsııalandy.
Belgisiz adamnyń habarlamasyna baılanysty jeti mekteptiń oqýshylary evakýatsııalandy. Oblystyq bilim basqarmasynyń málimetinshe, jarylǵysh zat qoıylǵany týraly alǵashqy qońyraý saǵat 10:45-te túsken.
- Alǵashqy habarlamany №39 mekteptiń dırektory habarlady. Belgisiz adam mektepke qońyraý shalyp, bilim berý mekemesine tolyqtaı bomba qoıylǵanyn aıtyp, balalardy evakýatsııalaýǵa 20 mınýt ýaqyt bergen. Algorıtmge sáıkes, bul týraly dereý 102 nómirine habarlanǵan. Oqıǵa ornyna quqyq qorǵaý organdarynyń qyzmetkerleri kelip, oqýshylardy evakýatsııalaýǵa kiristi. Keıin Shamkenov atyndaǵy mektep-lıtseıine, sondaı-aq №6, 29, 17, 18 mektepterine qońyraýlar túsken, olardyń barlyǵyna balalardy evakýatsııalaý týraly nusqaý berildi, – dep málimdedi óńirdiń bilim basqarmasy.
Balalardy sýyqta ustamaý úshin sabaqtar qashyqtan oqytý formatyna aýystyryldy.
- Barlyq bilim berý mekemeleri bekitilgen algorıtm boıynsha áreket etti. Qońyraý túsken sátte dereý 102 nómirine habarlandy. Bul másele Pavlodar oblysynyń bilim basqarmasynyń baqylaýynda, – dep málimdedi vedomstvo.
Keıin polıtsııaǵa taǵy bir mektepte bomba qoıylǵany týraly habar túskeni aıtyldy. Oqý oryndaryna túsken dabyldy qońyraýlar týraly aqparatty polıtsııa da rastady.
Qalanyń birneshe mektebinde ornatylǵan jarylǵysh qurylǵy týraly kórineý jalǵan habarlaý faktisi boıynsha polıtsııa qyzmetkerleri qylmystyq is qozǵady.
Jergilikti jerge shuǵyl qyzmetter shyqty, mamandar obektilerdi tekserýdi júzege asyrýda. Osy is-sharalardy ótkizý úshin basqa da shuǵyl qyzmetter qosylǵan.
Polıtsııa qyzmetkerleri osy faktige qatysy bar adamdy anyqtaý boıynsha is-sharalar júrgizýde, – dep habarlady Pavlodar oblysy polıtsııa departamentiniń baspasóz qyzmeti.
Aıta keteıik Astanada aýa raıynyń qolaısyzdyǵyna baılanysty ekinshi aýysym oqýshylary qashyqtan oqydy.