Pavlodarda jer jabynyn qalpyna keltirmegen turǵyn jazalandy

PAVLODAR. QazAqparat - Ony ákimshilik jaýapkershilikke tartý boıynsha is-sharalar júrgiziledi. Bul týraly Pavlodar qalasynyń turǵyn úı ınspektsııasy jáne kommýnaldyq sharýashylyq bólimi málimdedi, dep habarlaıdy QazAqparat.

«14 qyrkúıek kúni bólim mamandary jergilikti polıtsııa qyzmetimen birlesip birqatar buzýshylyqtardy anyqtady. Máselen, Pavlov kóshesi, 31 ýchaskesindegi jabynnyń qalpyna kelmeý faktisi tirkeldi. Jeke tulǵany ákimshilik jaýapkershilikke tartý boıynsha is-sharalar júrgiziledi», - dep jazdy vedomstvo habarlamasynda.

Al ekinshi buzýshylyq Rossııskaıa kóshesi, 22 mekenjaıynda ruqsat etilmegen jer jumystary faktisi tirkeldi. Zańdy tulǵaǵa qatysty QR ÁQBtK-niń 505-babyna sáıkes ákimshilik hattama toltyryldy. Aıyppul somasy 123 myń teńgeni qurady.

Aıta keteıik, osyǵan deıin aımaqtaǵy Sharbaqty aýdanynda on shaqty oqýshynyń ashanada ýlanyp qalǵanyn jazǵan bolatynbyz.