Pavlodarda jer úıde gaz ballony jaryldy, eki adam qaza bolyp, taǵy ekeýi jaraqattandy
ASTANA. 3 qańtar. QazAqparat - Keshe keshqurym Pavlodar qalasynda «Qurylys» baǵbandyq qoǵamynda ornalasqan jekemenshik turǵyn úıden órt shyǵyp, jalyn qoranyń shatyryna jaıyldy.
QR TJM-niń baspasóz qyzmetinen habarlaǵandaı, órttiń saldarynan eki gaz ballony jarylyp, sońynan shatyr opyrylyp qulady. Onyń aýmaǵy 10 sharshy metrdi qurady. Órt tolyǵymen bir saǵattan astam ýaqyttan keıin sóndirildi.
Jalyndy aýyzdyqtaýǵa Pavlodar oblysy boıynsha TJD órtke qarsy qyzmetiniń 11 adamy men 4 tehnıkasy jumyldyryldy. Tilsiz jaý sharpyǵan aýmaq 60 sharshy metrdi qurady. Órtpen kúres kezinde 49 jastaǵy er adam men bir áıeldiń (týylǵan jyly anyqtalmaǵan) máıitteri tabyldy. Sondaı-aq 74 jáne 63 jastardaǵy eki er adam kúıik shalý belgilerimen aýrýhanaǵa jetkizildi.
