Pavlodarda jer qoınaýyn paıdalaný basqarmasyna jańa basshy taǵaıyndaldy
PAVLODAR. KAZINFORM – Pavlodar oblysy jer qoınaýyn paıdalaný, qorshaǵan orta jáne sý resýrstary basqarmasynyń basshysy bolyp Saǵyn Tóleýtaev taǵaıyndaldy.
Oblys ákiminiń ókimimen Saǵyn Tóleýtaev Pavlodar oblysynyń jer qoınaýyn paıdalaný, qorshaǵan orta jáne sý resýrstary basqarmasynyń basshysy bolyp taǵaıyndaldy.
Saǵyn Saıranuly 1988 jyly týǵan, joǵary bilimdi. 2010 jyly S. Toraıǵyrov atyndaǵy Pavlodar memlekettik ýnıversıtetin «Ekologııa» mamandyǵy boıynsha aıaqtaǵan, jaratylystaný ǵylymdarynyń magıstri dárejesi bar.
2012-2016 jyldary S. Toraıǵyrov atyndaǵy Pavlodar memlekettik ýnıversıtetiniń «Bıologııa jáne ekologııa» kafedrasynda oqytýshy boldy.
Memlekettik qyzmettegi eńbek jolyn 2016 jyly Pavlodar oblysy jer qoınaýyn paıdalaný, qorshaǵan orta jáne sý resýrstary basqarmasynyń jer qoınaýyn paıdalaný bóliminiń bas mamany bolyp bastady, odan keıin 2019-2021 jyldary osy basqarmanyń jer qoınaýyn paıdalaný bóliminiń basshysy bolyp eńbek etti.
2021 jylǵy jeltoqsannan bastap osy ýaqytqa deıin «Pavlodar oblysynyń jer qoınaýyn paıdalaný, qorshaǵan orta jáne sý resýrstary basqarmasy» MM basshysynyń orynbasary qyzmetin atqardy.
Eske sala keteıik, Pavlodar oblysy ákiminiń jańa orynbasary taǵaıyndaldy.