Pavlodarda JEO-3 órtenip jatyr
PAVLODAR. QazAqparat - Pavlodardaǵy kásiporyn aýmaǵynda transformator órtenip jatyr, dep habarlaıdy QazAqparat.
«Saǵat 18:25-te Pavlodar qalasyndaǵy Severnaıa promzona, 50 kóshesi mekenjaıynda ornalasqan «Pavlodarenergo» AQ-nyń JEO-3 aýmaǵynda jeke turǵan transformator órtendi», - dep habarlady Pavlodar oblysy Tótenshe jaǵdaılar departamentiniń baspasóz qyzmetinen.
Vedomstvonyń málimetinshe, oqıǵa ornynda segiz órt sóndirý kóligi, TJD-niń 26 qyzmetkeri, apattar medıtsınasy ortalyǵynyń úsh qyzmetkeri men bir tehnıka, bir kólikte «Semser-Órtsóndirýshi» JShS tórt qyzmetkeri jumys isteýde. Sondaı-aq basqarmadan transformator maıynyń tógilmeı janyp jatqanyn qosyp ótti.
«Transformator №3 týrbına tsehy ǵımaratynyń janynda ornalasqan, qazirgi ýaqytta ashyq janý joq. Tseh ishindegi elektr symdary da órtenip jatyr, olar qýattanǵan», - dedi derekkóz.
Elektr energııasy tolyq sóngen joq, elektr qýatyn óshirý kezeń-kezeńimen júrgizilýde. Órttiń aýmaǵy anyqtalýda.
«Eshqandaı oqshaýlaý jáne joıý joq. Jumys úshinshi razrıad boıynsha atqarylyp keledi», - dep habarlady departamentten.
«Órt tolyq derlik sóndirildi. Qurbandar men zardap shekkender joq. Elektr qýatyn berý jaǵynan eshqandaı shekteýler bolmaıdy. Stantsııa bir elektr júıesinde jumys isteıdi. JEO-3 elektr energııasy azaıǵan jaǵdaıda jaryq berý basqa energııa kózderinen júzege asyrylady. Sondaı-aq ystyq sýmen qamtamasyz etýde de shekteý bolmaıdy. Qazirgi kezde oqıǵa ornynda Tótenshe jaǵdaılar departamentiniń qyzmetkerleri jumys istep jatyr», - dedi oblystyq energetıka jáne turǵyn úı-kommýnaldyq sharýashylyq basqarmasynyń basshysy Erjan Salhanov.
