Pavlodarda jeńil kólik aýdarylyp, jolaýshy kóz jumdy
PAVLODAR. KAZINFORM - Polıtsııa jol-kólik oqıǵasy boıynsha qylmystyq is qozǵady.
«Qyzylorda–Pavlodar» avtojolynda bolǵan jol-kólik oqıǵasy qaıǵyly jaǵdaımen aıaqtaldy. CHEVROLET COBALT markaly avtokólik júrgizýshisi aldyn ala málimet boıynsha kólik rýline ıe bola almaı, jol jıegine aýdarylǵan.
— Oqıǵa «Qyzylorda–Pavlodar» avtojolynda 1153-shi shaqyrymynda bolǵan. Jol-kólik oqıǵasy saldarynan jolaýshylardyń biri oqıǵa ornynda, alǵan jaraqattarynan kóz jumdy. Taǵy tórt jolaýshy ártúrli jaraqattarmen aýrýhanaǵa jetkizildi. Oqıǵanyń naqty mán-jaılary men sebepteri tergeý barysynda anyqtalatyn bolady, - dep habarlady Pavlodar oblysy polıtsııa departamentiniń baspasóz qyzmetinen.
Polıtseıler jol qozǵalysyna qatysýshylardy jol júrý erejelerin qatań saqtaýǵa shaqyrady.
Eske sala keteıik, Ekibastuzda jeńil kólik pen skýterler soqtyǵysyp, tórt jasóspirim zardap shekti