Pavlodarda jeńil kólik jaıaý júrginshini qaǵyp ketti
PAVLODAR. QazAqparat – Pavlodar qalasynda egde jastaǵy adamdy jeńil kólik qaǵyp ketti. Er adam alǵan jaraqattary saldarynan aýrýhanada kóz jumdy, dep habarlaıdy QazAqparat.
«11 qarasha kúngi saǵat 07:05-te Pavlodar qalasy Maıakovskıı kóshesindegi 9-shy úıge qarama qarsy jerde «Nissan» markaly avtokóliktiń 56 jastaǵy júrgizýshisi jol jyldamdyǵyn saqtamaı, 1961 jylǵy jaıaý júrginshini qaǵyp ketti. Jol-kólik oqıǵasy saldarynan jaıaý júrginshi alǵan jaraqattarynan aýrýhanada qaıtys boldy», - dep habarlady Pavlodar oblystyq polıtsııa departamentiniń baspasóz qyzmetinen.
Polıtsııada kóliktiń arnaıy aıypturaqqa kirgizilgenin qosyp ótti. Tekserý amaldary júrgizilýde
«Jyl basynan beri Pavlodar oblysynyń aýmaǵynda 529 jol-kólik oqıǵasy tirkelgen, sonyń saldarynan 47 adam qaıtys bolyp, 789 adam jaraqat alǵan», - dep qosyp ótti vedomstvodan.
