Pavlodarda jeke turǵyn úı qurylysy barysynda bir adam qaza tapty
PAVLODAR. KAZINFORM -Taǵy bir adamnyń zardap shekkeni anyqtaldy. Polıtsııa atalǵan oqıǵa boıynsha qylmystyq is qozǵady.
Bul týraly Pavlodar oblysy polıtsııa departamentinen habarlady.
- Eńbek qaýipsizdigi erejeleriniń buzylýy deregi boıynsha, Kenjekól aýylynda jeke turǵyn úıdiń qurylysy kezinde eki adam zardap shekken. Olardyń biri oqıǵa ornynda kóz jumǵan. Atalǵan oqıǵa boıynsha qylmystyq is qozǵaldy. Oqıǵanyń mán-jaıy men sebepteri tergeý barysynda anyqtalatyn bolady,-dep habarlady óńirlik polıtsııa departamentiniń baspasóz qyzmetinen.
Belgili bolǵandaı, qaıtys bolǵan adam qurylys ıesine kómekke kelgen. Tártip saqshylary ázirshe oqıǵanyń qalaı órbigenin aıta almaıtyndaryn málimdedi. Barlyǵy tergeý is-sharalary barysynda anyqtalady.
Oqıǵaǵa jergilikti eńbek ınspektsııasynyń ókilderi aralasyp jatyr.
Eske sala keteıik, keıingi on kúnde Qyzylordada óndiristegi jazataıym oqıǵadan 2 jumysshy kóz jumdy.