Pavlodarda jedel járdem kóligi naýqas balamen jol apatyna tústi
PAVLODAR. QazAqparat - Pavlodarda jedel járdem kóligi men avtokólik soqtyǵysyp qaldy. Oqıǵa Qamzın – Amangeldi kósheleriniń qıylysynda boldy, dep habarlaıdy QazAqparat Pavlodarnews.kz saıtyna silteme jasap.
Jedel járdem stantsııasy baspasóz qyzmetiniń málimetinshe, medıtsınalyq brıgada balany aýrýhanaǵa jatqyzý úshin oblystyq balalar aýrýhanasyna alyp bara jatqan. Qıylysta ózge kólikpen soqtyǵysqan. Jedel járdemde bolǵan naýqas bala men medıtsına qyzmetkerleri zardap shekken joq.
«Jedel járdem kóliginiń júrgizýshisi jypylyqtaǵan maıaktarmen jáne sırenamen baǵdarshamnyń jasyl túsine ótip bara jatqan jáne ony jol-kólik oqıǵasynyń kýágerleri rastap otyr», - deıdi vedomstvonyń baspasóz qyzmetinde.
Oqıǵany mán-jaıyn polıtsııa tekserýde.
