Pavlodarda jedel járdem feldsherin balaǵattaǵan turǵynǵa aıyppul salyndy
PAVLODAR. KAZINFORM — Baıanaýyl aýdandyq soty 103 qyzmetiniń feldsherine til tıgizip, kásibı qyzmetine kedergi keltirgen áıeldi ákimshilik jaýapkershilikke tartty.
Oqıǵa 5 qyrkúıekte Maıqaıyń kentinde bolǵan. Jedel járdem brıgadasy densaýlyǵy nasharlaǵan qyzǵa kómek kórsetý úshin shaqyrý boıynsha jetken. Dárigerler patsıentti qaraý kezinde janynda bolǵan áıel 103 qyzmetiniń feldsherin balaǵattap, jumysyna kedergi keltirgen.
Quqyq buzýshylyq sáti medıtsına qyzmetkerleriniń beınejetonyna tolyq jazylyp qalǵan. Pavlodar oblystyq jedel járdem stantsııasy ókilderiniń aıtýynsha, bul qurylǵylar shaqyrýlarda bir jyldan astam ýaqyt boıy qoldanylyp keledi. Dál osy beınejazba sot barysynda basty dálel retinde qarastyrylǵan.
Sot sheshimimen azamatsha QR Ákimshilik quqyq buzýshylyq týraly kodeksiniń 80-1-baby 2-bóligi («Medıtsına jáne farmatsevtıka qyzmetkerlerin óz laýazymdyq mindetterin oryndaý kezinde balaǵattap, qurmettemeýshilik tanytý») boıynsha aıypty dep tanyldy.
Birinshi satydaǵy sot oǵan 30 AEK (129 750 teńge) mólsherinde ákimshilik aıyppul saldy. Sot sheshimi áli zańdy kúshine engen joq.
Eske sala keteıik, Kókshetaýda feldsherdi balaǵattaǵandar 10 táýlikke deıin qamaýǵa alyndy.
