Pavlodarda jaıaý júrginshini qaǵyp, izin sýytqan júrgizýshi ustaldy
PAVLODAR. QazAqparat - Polıtsııa kóshe qıylysynda 19 jastaǵy jaıaý júrginshini qaǵyp ketip, jol-kólik oqıǵasy ornynan izin sýytqan «Mark 2» markaly kóliktiń 33 jastaǵy júrgizýshisin ustady, dep habarlaıdy «QazAqparat» HAA tilshisi.
Tártip saqshylary kólikti anyqtap, onyń ıesin ustady. Er adam polıtsııaǵa onyń kóliginiń urlanǵanyn málimdegen.
«Tergeý barysynda onyń kóligin eshkim urlamaǵany anyqtaldy. Pavlodarlyq osylaısha jol-kólik oqıǵasyn óz moınyna alýdan qutylmaqshy bolǵan», - dep habarlady Pavlodar oblystyq ishki ister departamentiniń baspasóz qyzmeti.
Zardap shegýshige sot-medıtsınalyq saraptama taǵaıyndaldy. Sonyń nátıjesinde protsessýaldyq sheshim qabyldanady. Júrgizýshige qatysty QR QK 419-baby «Jasalǵan qylmys týraly kórineý jalǵan sóz jetkizý» boıynsha sotqa deıingi tergeý jumystary júrgizilýde.
