Pavlodarda jaıaý júrginshiler jolaǵynyń aldynda eskertý jazbalary paıda boldy
PAVLODAR. QazAqparat - Pavlodarda jaıaý júrginshiler ótetin jolaqtardyń aldynda jol-kólik oqıǵalarynyń aldyn alý maqsatynda jazýlar paıda boldy, dep habarlaıdy pavlodarnews.kz.
Jaıaý júrginshi jolynyń aldyndaǵy jáne rettelmegen jaıaý júrginshi jolynda: «Jaıaý júrginshi! Saǵan júrgizýshi jol bergenine kóz jetkiz!», «Jan jaǵyna qara!» degen jazýlar ornalastyrylǵan.
«Osyndaı aldyn alý sharalary arqyly tártip saqshylary jolaýshylar men jaıaý júrginshilerdiń nazaryn jol qozǵalysy erejesin múltiksiz saqtaýǵa aýdarmaq. Kóliktiń jaıaý júrginshini basyp ketýiniń birden bir sebebi sol jaıaý júrginshiniń jol qozǵalysy erejesin saqtamaýymen baılanysty. Kóbinese jaıaý júrginshiler belgilenbegen oryndardan nemese jaıaý júrginshi joly arqyly ótpeli joldan ótip bara jatyp, uıaly telefon qoldanady jáne qulaqqaptaryn sheshpeıdi»,- dedi baspasóz qyzmetinen.
Budan basqa, Pavlodardyń apattyq jol bólikterine jáne respýblıkalyq mańyzy bar tas joldaryna jergilikti polıtsııa qyzmetimen «Men telefonmen sóılesip kele jattym», «Men baǵdarshamnyń qyzyl belgisinen ótip kettim», «Men kólikke mas kúıde otyrdym», «Men qarsy jolaqqa shyǵyp kettim» degen jazýlarymen jol-kólik oqıǵasyna túsken avtomashınalar qoıyldy.
Aıta ketý kerek, jyl basynan beri oblys aýmaǵynda 163 jol-kólik oqıǵasy tirkelgen. Nátıjesinde 15 adam kóz jumyp, 214 adam ártúrli dárejede jaraqat alǵan. Sonymen qatar, 31 jol-kólik oqıǵasynda 33 bala jaraqattandy. Jalpy aımaq joldarynda jaıaý júrginshilerdiń qatysýymen 91 jol apaty tirkeldi, alty adam kój jumyp, 89 adam ártúrli jaraqat aldy.
