Pavlodarda jaıaý júrginshiler jolaǵynda áıeldi kólik qaqty
PAVLODAR. QazAqparat – Pavlodarda áıeldi jeńil kólik qaǵyp ketti, dep habarlaıdy QazAqparat tilshisi.
«21 aqpan, saǵat 8.00-de Pavlodar qalasy Mıra kóshesindegi 7/1 úıge qarama-qarsy bette «VAZ 21083» avtokóliginiń 64 jastaǵy júrgizýshisi rettelmeıtin jaıaý júrginshiler jolaǵynan ótpek bolǵan áıeldi qaǵyp ketti», - dep habarlady Pavlodar oblystyq Polıtsııa departamentiniń baspasóz qyzmetinen.
Jol apaty saldarynan áıel adam jaraqat alyp, aýrýhanaǵa jatqyzyldy. «Avtokólik arnaıy aıypturaqqa qoıyldy. Tekserý júrip jatyr», - dep tolyqtyrdy mekeme ókilderi.
